Блажо и Ристо заминале на риболов на Тиквешкото езеро, но заборавиле да земат пијавици. Тогаш Блажо му рекол на Ристо:
- Ристо, ај види позади грмушките, сигурен сум дека таму има пијавици.
Додека Ристо барал пијавици, Блажо фатил златна рипка. Таа му рекла:
- Ќе ти исполнам 3 желби ако ме пуштиш?
- Прво сакам да сум многу богат, рекол Блажо.
Добро рекла рипката.
- Потоа сакам да имам убава жена.
Договорено, рекла рипката. А која ти е трета желба?
- Па ајде да не ми се луте Ристо, исполни му и нему една желба.
- Важи, рекла рипката.
Тогаш од зад грмушките се појавува Ристо:
- Блажо, да ти го начукат 100 магариња, тука нема пијавици.
Маж и жена се одлучиле да одат на одмор на езеро познато како рај за риболовците. Мажот бил мераклија за ловење риба посебно во раните зори, а жената сакала да седи во мир и да чита книги.
Едно утро, после неколку часа риболов, мажот се вратил во куќичката и решил да дремне, а жената тогаш се решила да се прошета со чамче по езерото иако сама баш и не се снаоѓала добро.
Го запалила моторот и го одвела чамецот на едно осамено место, го фрлила сидрото и продолжила во тишина да ужива во својата книга.
По некое време се појавил риболовниот инспектор со својот чамец и се доближил до чамецот на жената:
- Добро утро госпоѓо. Што правите?
- Читам книга – одговорила таа (и во себе си помислила „зарем не е очигледно?!“)
- Се наоѓате на делот од езерото кој е забранет за спортски риболов, ја информирал инспекторот.
- Жал ми е господине, но јас не ловам риби. Јас само седам и читам книга.
- Да, но во чамецот го имате целиот прибор кој е потребен за ловење и ако се прашувам јас, вие можете да почнете да ловите риба во секој момент. Ќе морам да ве однесам до станица и да поднесам пријава против вас, рекол инспекторот.
- Ако вие го направите тоа, тогаш знајте дека и јас ќе поднесам пријава против вас, но, за силување – му одговорила жената.
- Но, јас не ве ни допрев!? – рекол инспекторот.
- Да, но вие го имате целиот потребен прибор и ако се прашувам јас би можеле да почнете да ме силувате во секој момент..
- До видување госпоѓо и уживајте во овој убав ден!
Наравоучение:
Не се расправај со жена која чита. Многу е веројатно дека таа умее и да мисли.